新人報到

大家好，我係第一次寫blog既駿，初次見面，請大家多多指教~

此blog主要係記錄本人私人生活上既瑣事&情感既抒發。因為有啲野係現實生活中曝光不能，所以希望借呢個途徑黎抒發，請各位多多包涵。

自我介紹先，本人平日既興趣為睇漫畫。現時追看既漫畫有Skip Beat!!，One Piece，美食的俘虜，進擊的巨人，食戟之靈，偽戀&世界第一初戀(腐~~)，之前有完讀火影忍者，愛麗絲學園，會長是女僕大人&史上最強第子兼一，另外大愛彩雲國物語(但係小說)，日後有機會開post講下動漫，到其時歡迎大家加入討論~~

另外，我都鍾意聽歌，絕大部份為廣東話歌，鍾意既歌手係何韻詩(基於音域，題材&外型)，偶而會分享下歌，不喜的話勿聽勿視。除左係菇徒外，仲係菇祖粉一名，日後可能有好大部份都係講菇祖，因為人不死情不休，閒時就掃下墓(雖然因為咁情緒起伏好大但自己心甘情願掉坑就要堅持到最後T^T)，期望這苦戀獲得好的結尾，同樣，都係不喜勿插。

感情方面(其實無人有興趣知XD)，自認兵仔一名，雖然女神非世俗既女神，但單戀呢回事係無容置疑。之後可能有好多吐苦水既post，大家可以當見唔到架，但當然得閒無野做可以關心下我啦~

暫時係咁多先，希望我會堅持寫落去，直到十年後從頭睇一次，我會話我無悔驕傲。